Punonjësit e një kompanie në Michigan do kenë Krishtlindje shumë të lumtura këtë vit.
FloraCraft po dhuron gati 4 milionë dollarë shpërblime për 200 punonjësit e saj për festat e fundvitit.
Kompania FloraCraft është prodhuesi kryesor i produkteve artizanale. Ajo ka produktet më të shitura në Walmart, Amazon, Michaels, Joann dhe Hobby Lobby.
Kompania, e themeluar në vitin 1946, punëson afërsisht 200 vetë.
Ideja e dhuratës së çmuar për punonjësit erdhi nga pronari dhe kryetari Lee Schoenherr, i cili drejton kompaninë që nga viti 1973.
Surpriza u njoftua më 14 dhjetor në drekën e festës së kompanisë, ku disa punonjës nuk i mbajtën dot lotët kur morën lajmin e mrekullueshëm.
“Kjo është diçka që Lee dëshironte ta bënte prej shumë vite,” tha Eric Erwin, president dhe CEO i FloraCraft.
