Bayerni mposht Schalken
Bayern Munich ka shënuar fitore të lehtë në shtëpi ndaj Schalkes në kuadër të xhiros së 21-të në Bundesligë.
Në minutën e 12 ishte autogoli nga Bruma që i dha epërsinë Bayernit, në fitoren prej 3 me 1 që shënoi në Allianz Arena.
Kur po luhej minuta e 25-të Kutucu barazoi shifrat në 1 me 1. Megjithatë Bayerni u kundërpërgjigj për mrekulli pas vetëm dy minutash.
Ishte Lewandowski që riktheu epërsinë e Bayernit pas asistimit nga James Rodriguez.
Në pjesën e dytë Bayerni shënoi edhe njëherë përmes Gnabryt, i cili realizoi në minutën e 57 pas asistimit nga Lewandowski.
