Policia e Kosovës

Anulohet konkursi për zëvendësdrejtor të Policisë

Komisioni rekrutues bashkë më Ambasadën Britanike kanë anuluar konkursin për zëvendësdrejtor të Policisë së Kosovës.

Kjo për shkak që vetëm dy kandidatë kanë plotësuar kushtet në fazën e parë, raporton www.kallxo.com.

Sipas burimeve të KALLXO.com, vetëm Sabedin Mehmeti dhe Florie Hajra kanë qenë kandidatët të cilët kanë sjellë dokumentacionin e kompletuar dhe kanë plotësuar kushtet për fazën e dytë.

Por, duhet të jenë më shumë se tre kandidatë të cilët kualifikohen në fazën e parë, për të vazhduar tutje, ngase sipas Ligjit për Policinë, komisioni i formuar nga Ministria e Punëve të Brendshme duhet t’i dorëzojë të paktën tre emra ministrit të Punëve të Brendshme.