Anton Quni flet rreth qëndrimit të tij për kandidaturën e Avdullah Hotit si mandatar
Ministri në detyrë i Mbrojtjes Anton Quni ka sqaruar qëndrimin e tij në mbledhjen e Kryesisë së LDK-së, me rastin e nominimit të kandidatit të kësaj partie për kryeministër, Avdullah Hoti.
Ai ka bërë të ditur se ka propozuar disa emra për mandatar nga radhët e LDK-së, por që kryesia ka vendosur për ish-zëvendëskryeministrin e shkarkuar në Qeverinë Kurti.
“Me këtë rast kam dhënë edhe propozimet e mia, e që ishin më shumë se sa një emër. Në fund, pas debatit brenda partiak që, zakonisht zhvillohet në atmosferë dhe kulturë të lartë demokracie dhe çfarë vetëm subjekti i LDK-së e ka të kultivuar, qëndrimet tona u përafruan rreth emrit të profesor Hotit i cili edhe mori besimin e të të gjithë të pranishmëve”, ka shkruar Quni në Facebook.
Hoti thotë se ka abstenuar nga votimi i Hotit për mandatar, por ka respektuar vendimin e partisë dhe ka uruar të nominuarin Hoti duke i dëshiruar suksese.
Postimi i plotë:
Qendrimi im ne mbledhjen e Kryesise se LDK-se
Te nderuar miq, me qellim qe te mos krijohet hapesire per spekulime ne mediat e ndryshme, dua te ju njoftoj rreth qendrimit qe mbajta sot, ne mbledhjen e kryesise se LDK-se, me rastin e nominimit te kandidatit tone per kryeminister, profesor, Avdullah Hoti.
Meqenese LDK-ja ruan kulturen e debatit para marrjes se vendimeve te saj, para nominimit eshte hapur mundesia per debat te cilen e kemi shfrytezuar duke biseduar me gjuhen e fakteve dhe argumenteve rreth kandidateve te mundshem.
Natyrisht qe edhe nga ana ime eshte çmuar larte personaliteti i profesorit Avdullah Hoti.
Por, e verteta eshte se, kam thene qe e shoh te nevojshme edhe nominimin e ndonjë personaliteti tjeter te partise, gjithmone ne perpjekje te permbushjes se nevojes per unifikim te strukturave te partise dhe votuesve te LDK-së.
Me kete rast kam dhene edhe propozimet e mia, e qe ishin me shume se sa nje emer.
Ne fund, pas debatit brenda partiak qe, zakonisht zhvillohet ne atmosfere dhe kulture te larte demokracie dhe cfare vetem subjekti i LDK-se e ka te kultivuar, qendrimet tona u perafruan rreth emrit te profesor, Hotit i cili edhe mori besimin e te te gjithe te pranishmeve.
Une kam abstenuar nga votimi, por natyrisht qe kam respektuar plotesisht vendimin unanim te Kryesise dhe e kam uruar te nominuarin duke i deshiruar sukses dhe me lutjet qe ne kete rrugetim ta kemi bekimin e Zotit.
A.Q
