Afër Prishtinës

Aksident i rëndë në Kishnicë, lëndohen 7 persona

Një aksident i rëndë trafiku ka ndodhur pak më parë në rrugën Prishtinë-Gjilan, saktësisht në fshatin Kishnicë.

Si pasojë e këtij aksidenti lëndime trupore kanë pësuar shtatë persona.

Të lënduarit në këtë rast janë dërguar për trajtim mjekësor, ndërsa me rastin po merret Njësia e Trafikut.

“Në aksidentin e ndodhur në ora 19:00 janë përfshirë dy vetura. Si pasojë shtatë persona kanë pësuar lëndime trupore. Të lënduarit janë dërguar për trajtim mjekësor”, tha zëdhënësja e policisë për rajonin e Prishtinës, Flora Ahmeti.