Agim Veliu

Agim Veliu e nis fushatën me optimizëm, thotë se do të rikonfirmohen si forca kryesore politike në vend!

Nënkryetari i LDK-së, Agim Veliu, po shprehet optimist se LDK-ja do të dalë e para në zgjedhjet e ardhshme parlamentare.

Veliu ka bërë të ditur se ka filluar takimet me bazën dhe strukturat në Podujevë, ku janë mobilizuar për të arritur një rezultat shumë të mirë.

“Do të punojmë bashkë dhe duke i kanalizuar të gjitha kapacitetet tona për ta arritur fitoren e LDK-së dhe të Kosovës” shkruan Veliu në Facebook.

Postimi i plotë:

Në dy takime të ndara, sot takova kryetarët e nëndegëve të LDK-Podujevë, ku kërkova rritje të angazhimit dhe mobilizim për zgjedhjet e jashtëzakonshme parlamentare, në të cilat padyshim do të rikonfirmohemi si forca kryesore politike.
Do të punojmë bashkë dhe duke i kanalizuar të gjitha kapacitetet tona për ta arritur fitoren e LDK-së dhe të Kosovës.