A do të ketë borë këtë javë? Tregojnë meteorologët

Gjatë javës në vijim pritet që të mbajë mot stabil, i butë dhe kryesisht me diell dhe nuk priten reshje bore.

Ditëve në vijim, nën kushtet e një moti më stabil dhe pa qarkullim të mjaftueshëm ajror, vlerat e cilësisë së ajrit pritet të kalojnë në vlera të pashëndetshme, kryesisht në mbrëmje dhe mëngjes.

Minimalet do të luhaten nga 0C deri në 3C, e maksimalet nga 10C deri në 12C. Në zonat ku mjegulla mbetet edhe gjatë ditës, temperaturat maksimale do të jenë më të ulëta.

Ky është parashikimi për pesë ditët e para të javës së ardhshme nga Prishtina Weather:

16.12 – Në mëngjes në vise të ulëta mjegull. Ditën butë, kryesisht me diell.

17.12 – Në vise të ulëta mjegull orëve të mëngjesit. Ditën butë, kryesisht me diell. Në ultësira mjegulla mund të mbete edhe gjatë ditës.

18.12-19.12 – Të mërkurën në mëngjes, në ultësira mjegull. Vende-vende mjegull mbetet edhe ditën. Në pjesët tjera butë, kryesisht me diell. Ditën e enjte, në mëngjes, përgjatë ultësirave mjegull. Ditën butë, kryesisht me vransira.

20.12 – Herët në mëngjes vranët, mundësi për riga lokale shiu. Ditën butë, pjesërisht vranët.

Erë e lehtë jugore 1-3m/s. Shtypja atmosferike është rritur mbi vlera normale, e pritet të mbetet mbi këto vlera gjatë këtyre pesë ditëve.