282 raste pozitive me Covid-19 në 24 orët e fundit
Ministri i Shëndetësisë në detyrë, Armend Zemaj, ka njoftuar se në 24 orët e fundit, nga 2.192 mostra, 282 janë pozitive me 12.8% të pozitivitetit nga mostrat e marra.
Ai ka kërkuar edhe më tej, respektimin e masave anti Covid-19.
Njoftimi i plotë i ministrit Armend Zemaj:
Gjatë vizitës së sotme në gjimnazin “Hivzi Sylejmani” në Fushë Kosovë, bashkë me stafin mësimdhënësve dhe nënkryetarin e Komunës z. Fadil Krasniqi kemi diskutuar për ecurinë e mësimit në kushte pandemie.
Është shumë e rëndësishme dhe e domosdoshme që edhe më tej të ketë respektim të masave si nga ana e stafit arsimor po ashtu edhe nga nxënësit.
Për këtë gjimnaz, kemi dërguar pajisje të nevojshme mbrojtëse.Ndërsa në 24 orët e fundit, nga 2.192 mostra, 282 janë pozitive me 12.8% të pozitivitetit nga mostrat e marra. Bashkë ia dalim!Barte maskën!Ruaje distancën!Mbaje higjienën!
