Vdes një i dënuar në burgun e Dubravës
Sipas informatave të KMDLNj-së, E.A. i dënuar me 4 vite burg, në Qendrën Korrektuese në Dubravë nga viti 2017, sot ka vdekur pas përkeqësimit të gjendjes shëndetësore.
Përkundër përpjekjeve të stafit shëndetësorë për t’i shpëtuar jetën, i burgosuri E.A. (32) ka ndërruar jetë dhe dyshohet se ka pasuar atak kardiak.
Gjithashtu KMDLNj informohet se i ndjeri më parë nuk ka pasur histori që e ndërlidhin me ndonjë komplikim kardiak dhe as që është trajtuar.
I ndjeri më parë është ankuar për dhimbje në shpinë, probleme me veshkë dhe nga ulcera, dhe se nga muaji nëntor 2019 nuk ka përdorur asnjë terapi.
KMDLNJ kërkon hetime të menjëhershme për t’u gjetur shkaku i vdekjes dhe shpreson se pas obduksionit do të bëhet i ditur shkaku i vdekjes.
KMDLNJ i shpreh ngushëllime familjes së të ndjerit dhe ripërsërit kërkesën për lirim të personave të privuar nga l iria si dhe domosdoshmërinë e ndërtimit të një spitali brenda Shërbimit Korrektues të Kosovës.
