Turqia vendi me më së shumti të prekur nga koronavirusi jashtë Evropës dhe SHBA-së
Numri i vdekjeve nga koronavirusi në Turqi është rritur në 24 orët e fundit me 64 në gjithsej 3.584, tha sot ministri i Shëndetësisë, Fahrettin Koca.
Numri i rasteve të reja u rrit me 2,253 në një total prej 131,744, numri më i lartë jashtë Evropës Perëndimore, SHBA dhe Rusisë.
Si numri i vdekjeve ashtu edhe numri i rasteve të reja u rrit krahasuar me një ditë më parë, por është dukshëm më i ulët se muaji i kaluar kur arriti kulmin.
Në Turqi, gjithsej 78.202 persona u shëruan nga koronavirusi, ndërsa 30,303 persona u testuan në 24 orët e fundit, duke arritur numrin e përgjithshëm në 1.2 milion.
