Thaçi gjithmonë mirënjohës për kontributin e Vokrrit
Presidenti i Kosovës ka përkujtuar futbollistin legjendar Fadil Vokrri në dyvjetorin e ndarjes nga jeta.
Në një postim në Facebook, Hashim Thaçi ka thënë se me profesionalizimin, urtësinë dhe vizionin e tij, Vokrri arriti ta anëtarësojë Kosovën në UEFA dhe FIFA.
“Dashurinë për futbollin e shndërroi në kontribut jetësor për Kosovën. Në dyvjetorin e vdekjes e kujtojmë legjendën Fadil Vokrri, i cili e zhvilloi dhe ndërkombëtarizoi sportin kosovar në arenën ndërkombëtare. Me profesionalizimin, urtësinë dhe vizionin e tij, Vokrri arriti ta anëtarësojë Kosovën në UEFA dhe FIFA. Gjithmonë mirënjohës për kontributin e tij”, ka shkruar presidenti Thaçi.
