​Juventusi shënon fitore, por mbetet jashtë Championsit

“Zonja e Vjetër” ka mposhtur si mysafire skuadrën e Sassuolos.

Ka përfunduar ndeshja mes Sassuolos e Juventusit, e vlefshme kjo për xhiron e 36 në Serie A, ku skuadra e Andrea Pirlos ka siguruar tre pikët në ndeshjen e sotme.

Rezultatin e zhbllokoi mesfushori Adrien Rabiot në minutën e 28’, kurse Cristiano Ronaldo shënoi për 2:0 në minutën e 45’.

Sassuolo arriti ta ngushtoj epërsinë në 2:1 përmes Raspadorit, i cili shënoi në minutën e 59’, kurse Paolo Dybala e vulosi fitoren e Juventusit, ku shënoi për 3:1 në minutën e 66’.

Me tre pikët e reja, Juventusi vazhdon të qëndroj jashtë Top 4, ku momentalisht zë vendin e pestë me gjithsej 72 pikë, një më pak se Napoli që gjendet në pozitën e katërt.

Në anën tjetër, me humbjen e sotme Sassuolo gjendet në vendin e tetë në tabelë, me gjithsej 56 pikë, një më pak se vendi i shtatë Roma, që dërgon në Ligën e Evropës.

Sassuolo 1 – 3 Juventus