Avokati i Popullit të Shqipërisë po viziton Kosovën
Avokati i Popullit, Hilmi Jashari pret në takim homologen e tij nga Shqipëria Erinda Ballanca, e cila vjen në vizitën e parë zyrtare në Kosovë.
Avokati i Popullit të Kosovës, Hilmi Jashari, ka pritur në takim sot, Avokaten e Popullit të Shqipërisë, Erinda Ballanca me bashkëpunëtorë, në kuadër të vizitës së saj të parë zyrtare në Kosovë, që nga marrja e detyrës.Avokati i Popullit të Kosovës ka falënderuar Ballanca për vizitën dhe ka mirëpritur mundësitë që do të diskutohen ndërmjet dy institucioneve për realizmin e bashkëpunimit dhe projekteve të përbashkëta, për të kontribuar në avancimin e respektimit të të drejtave dhe lirive të njeriut, në të dy shtetet.Gjatë kësaj vizite, delegacioni nga Shqipëria pritet të realizojë takime me disa institucione të Republikës së Kosovës, sipas agjendës së mëposhtme:6 qershor 2019
14:00 Takim mikpritës në Institucionin e Avokatit të Popullit15:00 Takim me Arta Rama, Kryetare e Gjykatës Kushtetuese të Republikës së Kosovës7 qershor 20199:00 Takim me Enver Peci, Kryetar i Gjykatës Supreme të Republikës së Kosovës
11:00 Takim Xhavit Haliti, Nënkryetar i Kuvendit të Republikës së Kosovës14:00 Takim me Duda Balje dhe anëtarë të tjerë të Komisionit Parlamentar për të Drejtat e Njeriut.
