Aksident i rëndë, humb jetën 18 vjeçari dhe plagosen 4 të tjerë
Një aksident i rëndë ka ndodhur në orët e para të mëngjesit në aksin Lushnjë-Fier në vendin e quajtur ‘Pushimi i shoferit’.
Si pasojë e aksidentit ka humbur jetën një person dhe janë plagosur 4 të tjerë. Nga informacionet paraprake viktima është 18 vjeçari Klodian Sharka nga fshati Hysgjokaj i Lushnjës.
Mësohet se 4 të rinjtë po udhëtonin me mjetin tip ‘Benz c320’ kur kanë dalë nga rruga. Sipas të dhënave të para katër të rinjtë janë të moshës nga 17 vjeç deri në 19 vjeçar.
