LAJMI I FUNDIT

​Qeveria plotëson vendimin për afganët që do të vijnë në Kosovë

Qeveria e Kosovës ka miratuar vendimi për ndryshimin dhe plotësimin e pikës dy të vendimit të Qeverisë të datës 16.08.2021 për ofrimin e mbrojtjes së përkohshme dhe të menjëhershme personave të rrezikuar nga konflikti i brendshëm në Afganistan.

Qeveria mori këtë vendim në mbledhjen e mbajtur në formë elektronike.

Sipas vendimit të miratuar sot, përpos personave që janë në proces të aplikimit për Special Immigrant Visa (Vizave të Veçanta Imigruese) të Shteteve të Bashkuara të Amerikës, mbrojtje të përkohshme dhe të menjëhershëm do t’i ofrohet edhe personave të kualifikuar nën grupin P2 (klasifikim i veçantë i përcaktuar nga Departamenti i Shtetit Amerikan si Prioriteti 2), përfshirë familjarët e këtyre dy grupeve.