Tiranë

​10 viktima dhe 499 raste të reja me COVID-19 në Shqipëri

Ministria e Shëndetësisë njoftoi se 10 persona kanë humbur jetën në 24 orët e fundit nga koronavirusi në Shqipëri.

Nga 2165 testime, janë konfirmuar 499 raste të reja, ndërsa 384 persona raportohet të jenë shëruar.

Rastet pozitive janë identifikuar në këto bashki: 180 raste në Tiranë, 36 në Durrës, 29 në Fier, 21 në Shkodër, 19 në Vlorë, nga 16 raste në Elbasan, Gjirokastër, 15 në Sarandë, 13 në Lushnje, nga 12 raste në Lezhë, Berat, 11 në Dibër, nga 9 raste në Pogradec, Kavajë, nga 8 raste në Mirditë, Mat, etj.

Aktualisht në 4 spitalet COVID, po trajtohen 316 pacientë, 23 në terapi intensive nga të cilët 7 pacientë janë të intubuar.

10 qytetarë nuk e kanë fituar betejën me COVID-19. Mjeku 72-vjeçar Sali Baco; 2 qytetarë nga Tirana, 2 nga Lezha, 1 qytetar nga Gjirokastra, 1 qytetar nga Fieri, 1 qytetar nga Elbasani, 1 qytetar nga Mati, 1 qytetar nga Lushnja, të moshave 55-80 vjeç.

Që nga shpërthimi i epidemisë me koronavirus në Shqipëri janë regjistruar gjithsej 56,254 raste, prej tyre 31,565 janë të shëruar, 23,536 janë raste aktive, ndërsa betejën me sëmundjen e rrezikshme e kanë humbur 1153 pacientë./A2